പ്രവാസിമലയാളികളുടെ കുട്ടികളെയും മലയാളം പഠിക്കാന്‍ ആഗ്രഹിക്കുന്ന അന്യദേശക്കാരെയും ഭാഷ പഠിപ്പിക്കുക എന്നതാണ് പഠന കേന്ദ്രങ്ങളുടെ ലക്ഷ്യം. ഇതിലൂടെ കേരളത്തെയും കേരള സംസ്കാരത്തെയും അവര്‍ പരിചയിക്കുന്നു. സംഘടനകള്‍ക്കും വ്യക്തികള്‍ക്കും പഠന കേന്ദ്രങ്ങള്‍ ആരംഭിക്കാം. സംഘടനകള്‍ ഒരുക്കുന്ന ഹാളുകള്‍, പൊതുസ്ഥലങ്ങള്‍, വീടുകള്‍ തുടങ്ങി പഠനാന്തരീക്ഷം ഉറപ്പാക്കാന്‍ കഴിയുന്ന എവിടെയും കേന്ദ്രം ആരംഭിക്കാവുന്നതാണ്. 'എവിടെയെല്ലാം മലയാളി അവിടെയെല്ലാം മലയാളം' എന്നതാണ് മിഷന്റെ ലക്ഷ്യം. പ്രവാസി മലയാളി സംഘടനകളുമായി സഹകരിച്ചാണ് മിഷന്‍ പ്രവര്‍ത്തിക്കുന്നത്.